जानत प्रीति रीति रघुराई लिरिक्स (Janat Priti Riti Raghurai Lyrics)
जानत प्रीति-रीति रघुराई ।
नाते सब हाते करि राखत,
राम सनेह-सगाई ॥ 1 ॥
नेह निबाहि देह तजि दसरथ,
कीरति अचल चलाई ।
ऐसेहु पितु तेँ अधिक गीधपर,
ममता गुन गरुआई ॥ 2 ॥
तिय-बिरही सुग्रीव सखा,
लखि प्रानप्रिया बिसराई ।
रन पर्-यो बंधु बिभीषन ही को,
सोच ह्रदय अधिकाई ॥ 3 ॥
घर गुरुगृह प्रिय सदन सासुरे,
भइ जब जहँ पहुनाई ।
तब तहँ कहि सबरीके फलनिकी,
रुचि माधुरी न पाई ॥ 4 ॥
सहज सरुप कथा मुनि बरनत,
रहत सकुचि सिर नाई ।
केवट मीत कहे सुख मानत,
बानर बंधु बड़ाई ॥ 5 ॥
प्रेम-कनौड़ो रामसो प्रभु,
त्रिभुवन तिहुँकाल न भाई ।
तेरो रिनी हौँ कह्यो कपि सोँ,
ऐसी मानिहि को सेवकाई ॥ 6 ॥
तुलसी राम-सनेह-सील लखि,
जो न भगति उर आई ।
तौ तोहिँ जनमि जाय जननी,
जड़ तनु-तरुनता गवाँई ॥ 7 ॥
राम जी के अन्य भजन (Ram Bhajan Lyrics)
| रामायण मनका 108 पाठ | मेरे प्राणों से प्यारे राम लिरिक्स |
| हम तो दीवाने राम के लिरिक्स | कौशल्या दशरथ के नंदन लिरिक्स |
| चित्रकूट के घाट घाट पे शबरी | मेरे राम मुझको देना सहारा |
Ram Bhajan Lyrics Video !
अन्य भजन के लिए लॉगिन करें – hindibhajanlyrics.in